21:21 16 Аяк оона 2019
Түз эфир
  • USD69.8099
  • EUR77.2028
  • RUB1.0937
Кишенчен адам. Архив

"Түлеевдин үйлөрүн" сатып Түркияга бет алган шектүү кармалды

© Sputnik / Табылды Кадырбеков
Коом
Кыскача шилтеме алуу
1095 0 0

Милициянын айтымында, шектүү Баткен облусуна кетип калган. Тажикстанга өтүп, андан ары Түркияга жөнөмөк.

БИШКЕК, 9-сен. — Sputnik. Нариман Түлеевден алынган сегиз батирди сатып, элди сызга отургузду деп шектелген мэриянын мурунку кызматкери А.Э. кармалганын шаардык милиция билдирди.

Задержанный по подозрению в продаже восьми тюлеевских квартир и обмане граждан
© Фото / пресс-служба ГУВД Бишкека
Шектүү

Белгилей кетсек, буга чейин мэриянын Муниципалдык мүлк башкармалыгынын жетекчиси кылмыштуу схеманы аныктап чыкканы айтылган. Калаа мэриясынын мурунку кызматкери муниципалдык мүлктү сатуу боюнча аукциондун протоколдорун жасалмалап, Москва көчөсүндө жайгашкан сегиз батирди сатып ийген. Аталган кызматкер мэрияда болгону бир жарым ай иштеген. Анын мыйзамсыз аракеттеринен 583 миң долларлык чыгым келтирилгени белгилүү болду.

Факты боюнча Кылмыш-жаза кодексинин 204-беренеси ("Шылуундук") боюнча иш козголгон.

Милиция шектүү Баткен облусунда жашырынып жүргөнүн, Тажикстанга өтүп, андан ары Түркияга учуп кетүүнү пландаштырганын айтып берди.

7-сентябрь күнү милиционерлер менен УКМКнын Коррупцияга каршы күрөшүү кызматындагылар шектүүнү чек арадан өтүп бара жаткан жеринен, Лейлек районунан кармашкан. Учурда Бишкекке алып келинип, ШИИБдин убактылуу кармоочу жайына киргизилди. Анын башка ушул сыяктуу кылмыштарга тиешелүүлүгү такталып жатат.

Эске салсак, сот 2017-жылы экс-мэр Нариман Түлеевдин 11 батирин конфискациялап, мамлекетке өткөргөн. Анын сегизи мэриянын, ал эми үчөө Башкы прокуратуранын балансына берилген.

Тема боюнча

Түлеевден алынган 8 батирди сатып ийген мэрия кызматкери канча акча кымырган
Түлеевден алынган батирлерди сатып ийген мэрия кызматкери изделүүдө
Белгилер:
Түркия, Баткен, милиция, шектүү, аткаминер, Бишкек мэриясы, батир

ЭҢ МААНИЛҮҮ