ЖМК: Эмомали Рахмон кийинки жумада Ворух анклавына барат

© Sputnik / Амир Исаев / Фотобанкка өтүүВизит президента Афганистана А. Гани в Таджикистан
Визит президента Афганистана А. Гани в Таджикистан - Sputnik Кыргызстан, 1920, 01.04.2021
Жазылуу
Yandex newsTelegram
Ворух анклавындагы абал президенттин жана Согди облусунун жетекчисинин көзөмөлүндө экени белгиленди.
БИШКЕК, 1-апр. — Sputnik. Тажикстандын президенти Эмомали Рахмон Согди облусуна болгон иш сапарынын алкагында Ворух анклавына барат. Бул тууралуу Sputnik Тажикстан ишенимдүү маалымат булагына таянып жазды. 
"Президент иш сапарынын алкагында Бустон, Бободжон Гафуров, Истаравшан, Худжанд, Гулистон, Исфара сыяктуу шаар-райондорду кыдырат. Ошондой эле Ворух анклавын көрөт (Кыргызстандын жерлери менен курчалган Тажикстанга тийиштүү аймак)", — деп билдирген маалымат булагы.
Эмомали Рахмон Согди облусундагы бир катар маанилүү социалдык объектилерди ачып, эл менен жолугат.
Сууну Өзбекстан башкарып калбайбы? Өкмөттүн жооптуу өкүлү менен видео маек - Sputnik Кыргызстан, 1920, 27.03.2021
Сууну Өзбекстан башкарып калбайбы? Өкмөттүн жооптуу өкүлү менен видео маек
Ворух айылында дагы маданий жана социалдык объектилерди, анын ичинде флагштокту, маданият сарайларын, мектептерди, спорт аянтчаларын, парктарды жана Точикон, Сангтуда райондору үчүн (9 миң адам жашайт) жаңы суу түтүк станцияларын эксплуатацияга киргизүү пландалып жатат.
Тажик ЖМКларынын маалыматына караганда, өлкө лидери Согди облусуна 5-апрелде барып, 8-апрелге чейин ошол жакта болот. Ворух анклавындагы абал президенттин жана аталган облустун жетекчисинин көзөмөлүндө экени белгиленди
Буга чейин Кыргызстандын УКМК жетекчиси жана чек ара маселелери боюнча өкмөттүк делегациянын төрагасы Камчыбек Ташиев маалымат жыйын учурунда Кыргызстан Тажикстанга Ворух анклавын Баткендин башка жерлерине (12 миң гектар) алмашууну сунуштаганын билдирген. Коңшу өлкө бул сунушка азырынча жооп бере элек.
Жаңылыктар түрмөгү
0