Sputnik Кыргызстан агенттиги белгилүү театр жана актрисанын сүрөттө калган ирмемдерин сунуштайт.
Жамал Сейдакматова Ысык-Көл районунун Темир айылында 1939-жылы 21-сентябрда туулган. Ата-энеси кызынын мыкты билим алуусун көксөп, аны борбор калаага жөнөткөн. Фрунзедеги №5 орто мектепти аяктаган соң Москвадагы Жеңил өнөр жай институтуна тапшырган. Бирок табиятынан берилген шык, талант аны жөн койгон эмес.
Бала чагынан эле ыр-бийге шыктуу студентке жүрөгүн уялаган максаты жанына жай бербей, акыры аталган институтту 2-курстан таштап, Фрунзеге келип театрга кирип алган. Актриса мындай кадамга кичинекейиндеги кыялын орундатуу үчүн барган. Анткени алардын үйүнө Карамолдо Орозов, Саякбай Каралаев, Муратбек Рыскулов, Алиман Жангорозова, Бакен Кыдыкеева өңдүү залкарлар көп келип, секелек кыз алардан таасир алып шыктанган. Муратбек Рыскулов, Сабира Күмүшалиева жана Даркүл Күйүкованын көрөгөчтүгү менен 1956-жылы Кыргыз мамлекеттик академиялык драма театрына кабыл алынат. Актрисанын 60-70-жылдар ичиндеги театр сахнасындагы бирден-бир жетишкендиги — англиялык улуу драматург Шекспирдин "Азоого чалма" комедиясындагы Катаринанын образы деп айтылып жүрөт.
Ал эми киного "Алыскы тоолордо" фильмине тартылуу менен аралашып, "Акбаранын көз жашында" – Көк Турсундун, "Алыскы тоолордо" – Зыягүлдүн, "Тянь-Шань кызы" тасмасында – Алтынайдын, "Караш-Карашта" – Хаджанын, "Уланда" — Фатиманын, "Курманжан даткада" – Курманжан датканын ролдорун өтө жогорку деӊгээлде ойногон. КР эл артисти 20дан ашык тасмада түрдүү образ жараткан.
II даражадагы "Манас" орденинин ээси жөнүндө кызыктуу фактыларды Sputnik Кыргызстан маалымат агенттигинин материалынан окуңуздар.
![Аманат тасмасын тартуу маалында актриса ырчынын образында Аманат тасмасын тартуу маалында актриса ырчынын образында - Sputnik Кыргызстан](https://sputnik.kg/img/07e5/02/10/1051479727_0:0:2000:1686_600x0_80_0_1_47b0b84100031135652af0f592070e43.jpg)
![Үсөнжан Ибрагимовдун Таштагы жылмаюу кинокартинасында актриса Жамалдын, актер Болот Бейшеналиев Эсенгелдинин ролун аткарууда, 1974-жыл Үсөнжан Ибрагимовдун Таштагы жылмаюу кинокартинасында актриса Жамалдын, актер Болот Бейшеналиев Эсенгелдинин ролун аткарууда, 1974-жыл - Sputnik Кыргызстан](https://sputnik.kg/img/07e5/02/10/1051479691_0:0:2000:1656_600x0_80_0_1_1b3a19eac15c40e1d25836004a484e18.jpg)
![Дооронбек Садырбаевдин Түркүн тагдырлар фильминде Гүлсүндүн ролу, 1980-жыл Дооронбек Садырбаевдин Түркүн тагдырлар фильминде Гүлсүндүн ролу, 1980-жыл - Sputnik Кыргызстан](https://sputnik.kg/img/07e5/02/10/1051479697_0:0:2200:1706_600x0_80_0_1_2e9bee5f0fa170f4bd81cd64fb901592.jpg)
![Караш-Караш окуясында актриса Жамал Сейдакматова (Хадича) менен актер Сүймөнкул Чокморов (Бактыгул) Караш-Караш окуясында актриса Жамал Сейдакматова (Хадича) менен актер Сүймөнкул Чокморов (Бактыгул) - Sputnik Кыргызстан](https://sputnik.kg/img/07e5/01/11/1051133078_0:0:2200:1534_600x0_80_0_1_ac7cf244c867439704814a3cfba46783.jpg)
![Чыңгыз Айтматовдун Кыямат романынын негизинде режиссер Дооронбек Садырбаев тарткан Акбаранын көз жашы фильминде Сейдакматова менен Байдөбөтов жубайлардын образын жараткан Чыңгыз Айтматовдун Кыямат романынын негизинде режиссер Дооронбек Садырбаев тарткан Акбаранын көз жашы фильминде Сейдакматова менен Байдөбөтов жубайлардын образын жараткан - Sputnik Кыргызстан](https://sputnik.kg/img/104239/83/1042398375_0:0:1600:1492_600x0_80_0_1_89b6a67d4d588448ef74aa2d5e4cd242.jpg)
![Кара-Кийикке жол кинофильминде башкы каарман Шакен, 1975-жыл Кара-Кийикке жол кинофильминде башкы каарман Шакен, 1975-жыл - Sputnik Кыргызстан](https://sputnik.kg/img/07e5/02/10/1051479702_0:0:2000:1633_600x0_80_0_1_024110e4428d6c08af8d3470f413153f.jpg)
![Төлөмүш Океевдин Улан кинокартинасы. Сүймөнкул Чокморов башкы каарман Азаттын, анын көңүлдөшү Фатиманын ролун Жамал Сейдакматова аткарган. Төлөмүш Океевдин Улан кинокартинасы. Сүймөнкул Чокморов башкы каарман Азаттын, анын көңүлдөшү Фатиманын ролун Жамал Сейдакматова аткарган. - Sputnik Кыргызстан](https://sputnik.kg/img/103549/10/1035491064_0:0:2000:1580_600x0_80_0_1_dcaf800973280345a7f6fcf6b73830fc.jpg)
![Жаш актриса Таштагы жылмаюу кинофильминде Жамалдын образында Жаш актриса Таштагы жылмаюу кинофильминде Жамалдын образында - Sputnik Кыргызстан](https://sputnik.kg/img/07e5/02/10/1051479708_0:0:2000:1465_600x0_80_0_1_c165d47d912a8018ffed4ea3b8d5a8c7.jpg)
![Токтогул атындагы мамлекеттик сыйлыктын лауреаты Курманжан датканын ролун аткарып жаткан учуру Токтогул атындагы мамлекеттик сыйлыктын лауреаты Курманжан датканын ролун аткарып жаткан учуру - Sputnik Кыргызстан](https://sputnik.kg/img/07e5/02/10/1051479714_0:0:3883:2048_600x0_80_0_1_3e1884ad17276a36f84d332cd39803a2.jpg)
![Башкы каарман Базарбай (Дүйшөн Байдөбөтов) жана анын балта көтөргөн келинчеги (Жамал Сейдакматова), Акбаранын көз жашынан ирмем Башкы каарман Базарбай (Дүйшөн Байдөбөтов) жана анын балта көтөргөн келинчеги (Жамал Сейдакматова), Акбаранын көз жашынан ирмем - Sputnik Кыргызстан](https://sputnik.kg/img/07e4/0c/1f/1050960314_0:0:2000:1524_600x0_80_0_1_0b27c6db01379c3a837ed3ca504e7e1d.jpg)
![Белгилүү режиссер Төлөмүш Океев менен КРдин эл артисти Жамал Сейдакматова Улан кинокартинасын тартуу учурунда Белгилүү режиссер Төлөмүш Океев менен КРдин эл артисти Жамал Сейдакматова Улан кинокартинасын тартуу учурунда - Sputnik Кыргызстан](https://sputnik.kg/img/104466/39/1044663919_0:0:1870:2200_600x0_80_0_1_4cda534623c6305a44d3e6b20f034192.jpg)
![КРдин эл артисти көрүүчүлөрдүн сүймөнчүлүгүнө ээ болгон Курманжан даткада башкы ролдо КРдин эл артисти көрүүчүлөрдүн сүймөнчүлүгүнө ээ болгон Курманжан даткада башкы ролдо - Sputnik Кыргызстан](https://sputnik.kg/img/07e5/02/10/1051479722_0:0:2048:858_600x0_80_0_1_4a5ca7736c28783a858f9b93d27e6f08.png)