Прокурор, УКМК менен макулдашкан. Сот Матраимовго чыккан өкүмдү түшүндүрдү

© Sputnik / Владимир Астапкович / Медиабанкка өтүүФемида айкели. Архив
Фемида айкели. Архив - Sputnik Кыргызстан, 1920, 11.02.2021
Жазылуу
Матраимов мамлекетке 1,4 миллиард сомун акчалай, калганына бир соода борбору, тогуз батирин өткөрүп берген.
БИШКЕК, 11-фев. — Sputnik. Бажы кызматынын төрагасынын мурдагы орун басары Райым Матраимов тергөө менен кызматташып, келтирилген зыянды төлөп бергени үчүн бошотулду. Бул тууралуу Биринчи май райондук сотунун маалымат кызматы билдирди.
Белгилей кетсек, судья Гүлзат Дыйканбаева Матраимовду коррупцияга күнөөлүү деп таап, 260 миң сом айып салган. Анын жана жакын туугандарынын камакка алынган мал-мүлкүн ээлерине кайтарган.
"2020-жылдын 20-октябрында Башкы прокуратуранын бөлүмүнүн прокурору, УКМКнын тергөө тобунун жетекчиси жана Райым Матраимовдун ортосунда кызматташтык жөнүндө макулдашуу түзүлгөн. Тараптар 260 миң сом айып салуу түрүндөгү жаза колдонууга макулдашышкан. Аталган макулдашуу Бишкек шаарынын Биринчи май райондук соту тарабынан да бекитилген. Жазык процесстик кодексинин 498-беренесинин 4, 7, 8-бөлүктөрүнө ылайык, эгер айыпталуучу макулдашууда көрсөтүлгөн бардык милдеттенмелерди аткарса, судья айыптоо өкүмүн чыгарат жана ага карата макулдашууда көрсөтүлгөн жазаны колдонот", — деп айтылат маалыматта.
Бажыдан өтүп жаткан фура. Архив - Sputnik Кыргызстан, 1920, 24.12.2020
УКМК: Матраимов бажыдан өткөн ар бир автоунаадан 500дөн 3 миң долларга чейин алган
Эске салсак, Райым Матраимов өткөн жылдын 20-октябрында бажы тармагындагы коррупция боюнча айыпталып, УКМК тарабынан кармалган. Биринчи май райондук соту баш коргоо чарасын тандап, сыртка чыкпоо тууралуу тил кат алган болчу.
Кийинчерээк ал мамлекетке келтирилген эки миллиард сомдук зыянды толтурууга макул болгону айтылган. Анын 1,4 миллиардын акчалай, калган 600 миллион сомуна бир соода борбору, тогуз батирин өткөрүп берген.
Жаңылыктар түрмөгү
0