БИШКЕК, 19-дек. — Sputnik. Швед футболчу Златан Ибрагимовичтин Major League Soccer (MLS) чемпионатында "Лос-Анджелес" клубунун дарбазасына киргизген тобу түндүк америкалык лиганын тарыхындагы эң мыкты гол деп табылды.
Оюндун видеосу аталган лиганын Instagram баракчасына чыкканын Р-Спорт жазды.
Посмотреть эту публикацию в Instagram
Швед футболчусунун "Гэлакси" үчүн ойногон биринчи беттеши болчу. Ал "Лос-Анджелестер" дербисинде (бир шаардын эки командасынын беттеши) дубль (бир беттеште эки гол) жасаган.
Златан Ибрагимович "Гэлакси" клубунда 2018-2019-жылдары ойногон. Өткөн жылдын декабрь айынан тарта ал Италиянын "Милан" командасына өткөн.
Белгилей кетсек, Ибрагимович кооз гол киргизген оюн 2018-жылы өткөн, жалпы жыйынтык менен тарыхтагы мыкты гол катары эми гана таанылды.
Италия чемпионатында да Ибрагимович кооз гол киргизген. Учурда ал 10 голу менен Ромелу Лукаку, Криштиану Роналду сыяктуу чабуулчуларды артка калтырып, бомбардирлер тизмесинин сап башында келе жатат.
