Жоламандын күрөшүнө олимпиаданын эки жолку чемпиону Роман Власов баа берди

© Photo / UWW / Gabor MARTINЧемпион кубка Мира, борец греко-римского стиля Жоламан Шаршенбеков
Чемпион кубка Мира, борец греко-римского стиля Жоламан Шаршенбеков - Sputnik Кыргызстан
Жазылуу
Грек-рим күрөшүнөн Россиянын капитаны өзүнүн Instagram баракчасына Жоламан менен түшкөн сүрөтүн коюп, аны "кыргызстандык иним" деп атаган.

БИШКЕК, 17-дек. — Sputnik. Грек-рим күрөшүнөн олимпиаданын эки жолку чемпиону Роман Власов Кыргызстандын балбаны Жоламан Шаршенбековдун Дүйнө кубогу мелдешинде чемпион болгонун жогору баалады. Россия курама командасынын капитаны өзүнүн Instagram баракчасына Жоламан менен түшкөн сүрөтүн коюп, аны "кыргызстандык иним" деп атаган. 

Посмотреть эту публикацию в Instagram

Публикация от Roman Vlasov (@vlasovroma90)

"Бул менин иним, Күнөстүү Кыргызстандын кулуну Жоламан Шаршенбеков. Мыкты күрөшкөн балбан. Степан Марянян менен кармашы Дүйнө кубогу мелдешинин көркү болду. Килемдин арстандары!" — деп сүрөттүн астына билдирүү калтырган.

Власов буга чейин Шаршенбековдун социалдык баракчасындагы постуна билдирүү жазган болчу.

Кыргызстандык балбан Айсулуу Тыныбекованын Дүйнө кубогу мелдешинин финалында  - Sputnik Кыргызстан
UWW Тыныбекованын атаандашын көтөрүп чапкан ыкмасын мыкты деп атады. Видео
Шаршенбеков Сербиянын Белград шаарында өткөн грек-рим күрөшү боюнча Дүйнө кубогу мелдешинин чемпиону болду. 60 килограмм салмактын финалдык беттешинде ал россиялык Степан Марянянды утуп алды. Беттеш 4:4 эсебинде аяктап, акыркы аракетти жасаган артыкчылыгы үчүн жеңиш кыргызстандык балбанга ыйгарылды.

Эскерте кетсек, Жоламан Шаршенбеков 2018-жылы Венгриянын Будапешт шаарында өткөн дүйнө чемпионатында күмүш медаль уткан. 55 килограмм салмакта күч сынашкан кыргызстандык балбан чечүүчү кармашта азербайжандык Элдениз Азизлиге жеңилген

Жаңылыктар түрмөгү
0