12:57 20 Жетинин айы 2019
Түз эфир
  • USD69.8500
  • EUR77.3240
  • RUB1.0953
Грек-рим күрөшү боюнча балбан Жоламан Шаршенбековдун архивдик сүрөтү

Тарых кайталанды! Балбан Жоламан Шаршенбеков дүйнө чемпионатында күмүш тагынды

© Фото / Facebook / United World Wrestling
Спорт
Кыскача шилтеме алуу
4265 0 0

Жоламан Шаршенбеков дүйнө чемпионатынын финалында күрөшкөн экинчи кыргыз балбаны. 2006-жылы Канатбек Бегалиев финалга чыгып, бирок жеңиш атаандашына буюргандыктан күмүш байгеге ээ болгон.

БИШКЕК, 26-окт. — Sputnik. Грек-рим күрөшү боюнча балбан Жоламан Шаршенбеков чоңдор арасындагы дүйнө чемпионатында күмүш байге утту. Бул тууралуу Бүткүл дүйнөлүк күрөш уюмунун сайтында айтылат.

Мелдеш ушул тапта Венгриянын Будапешт шаарында өтүп жатат.

Шаршенбеков 55 килограмм салмакта күч сынашып, чечүүчү кармашта азербайжандык Элдениз Азизлиге 0:13 упай эсебинде утулуп калды.

Балбан финалга чейин үч кармаш өткөргөн. Квалификациялык беттешинде кореялык Хи Донг Сонду 9:0 эсебинде, чейрек финалда армениялык Хоряр Хакхоянды 11:0 упай менен утса, ал эми жарым финалда түркиялык Екрем Озтуркту 9:0 эсебинде жер караткан

Белгилей кетсек, Жоламан Шаршенбеков дүйнө чемпионатынын финалында күрөшкөн экинчи кыргыз балбаны. 2006-жылы Канатбек Бегалиев финалга чыгып, бирок жеңиш атаандашына буюргандыктан күмүш байгеге ээ болгон.

19 жаштагы Жоламан Шаршенбеков грек-рим күрөшү боюнча эл аралык класстагы спорт чебери, КРдин көп жолку чемпиону. Быйыл февралда Бишкекте өткөн күрөш боюнча чоңдор арасындагы Азия чемпионатында күмүш байге алган. Кадеттер арасындагы дүйнө чемпионатында коло (2016), жаштар арасындагы дүйнө чемпионатында (2017) күмүш медаль тагынган.

Тема боюнча

Ура! Жоламан Шаршенбеков дүйнө чемпионатынын финалына чыкты. Видео
Жоламан Шаршенбеков күрөш боюнча Азия чемпионатында күмүш медалга татыды
Белгилер:
тарых, байге, күмүш, грек-рим күрөшү, чемпионат, Жоламан Шаршенбеков

ЭҢ МААНИЛҮҮ