Кыргызстандагы эң бийик чоку жөнүндө Sputnik кабарчысы кызыктуу фактыларды чогулткан.
Өлкөнүн түндүк жагындагы асманга боюн созгон бул тоонун бийиктиги 7 439 метр, ал эми дүйнөдө 60-орунда турат.
Альпинисттер качандыр бир учурда ССРдин аймагындагы "Жеңишти" "кандуу тоо" дешкен. Кайсы бир учурда ага чыгам деп көз жумгандардын саны Эвересттен да көп болуп кеткен.
Орто эсеп менен он жыл ичинде 12 киши каза тапкан. Алардын бир катарларынын сөөктөрү табылса, кээ бирлери түбөлүк музда кала берген. Баш-аягы аталган чоку 70 адамдын өмүрүн алган.
Мындай нерсе табигый көрүнүш дешет. Себеби чокунун жантайыңкы жерлеринде сууктун күчү жайында 30 градус болуп турат. Ал эми шамалдын ылдамдыгы этек-жеңди жулкулдатып, саатына 150 чакырымды түзөт.
