Финансы министрлиги: тышкы карызды төлөө үчүн депозиттик эсеп ачылды

© REUTERS / Mohamed Abd El GhanyКиши доллар купюраларды санап отурат. Архив
Киши доллар купюраларды санап отурат. Архив - Sputnik Кыргызстан
Жазылуу
НовостиTelegram
Июль айындагы статистикага таянсак, өлкөнүн жалпы мамлекеттик карызы 4 миллиард 824 миллион долларды түзөт. Кыргызстан Кытайга эле 1,7 миллиард доллар бересе.

БИШКЕК, 5-ноя. — Sputnik. Казынага тышкы карызды төлөгөнгө түшкөн каражаттарды топтоо үчүн Финансы министрлигинин депозиттик эсеби ачылды. Бул тууралуу Sputnik маалымат агенттигине мекеменин маалымат кызматы кабарлады.

Эсеп премьер-министр Садыр Жапаровдун тапшырмасы менен ачылганы белгиленди.

"Ага тышкы карызды төлөп, социалдык маанидеги чыгымдарды жаап, бюджетке колдоо көрсөтүү максатында жеке жана юридикалык жактардан ыктыярдуу негизде алынган каражаттар чогултулат", — деп билдирди министрлик.

Эске салсак, буга чейин Садыр Жапаров телеканалдардын бирине берген маегинде эсеп ачылгандыгы тууралуу айткан.

Финансы министрлиги депозиттик эсеп тууралуу кененирээк эртең, 6-ноябрда, айтып берүүнү убада кылды. Учурда бул эсепке башка каражаттар дагы которула турганы белгилүү болду.

Кыргызстан тарыхта биринчи жолу карыз төлөөдө 35 млрд. сом сарпташы мүмкүн

Июль айындагы статистикага таянсак, өлкөнүн жалпы мамлекеттик карызы 4 миллиард 824 миллион долларды түзөт. Анын дээрлик көбү — 4 миллиард 170 миллиону тышкы карыз. Мамлекеттик карыз акыркы айларда өсүп жатат. Май айынын аягында биринчи жолу 4,7 миллиарддык чектен, андан кийин 4,8 миллиард доллардык чектен ашып кеткен. Кыргызстан Кытайга эле 1,7 миллиард доллар карыз.

Жаңылыктар түрмөгү
0