Мухаммедкалый Абылгазиевге Кыргызстандан чыгууга тыюу салынды

© Фото / пресс-служба правительства/ Алишер АлиевЭкс-премьер-министр Мухаммедкалый Абылгазиев. Архив
Экс-премьер-министр Мухаммедкалый Абылгазиев. Архив - Sputnik Кыргызстан
Жазылуу
НовостиTelegram
Мурунку өкмөт башчы ушул жылдын июнь айында жыштык чырынан улам кызматынан кеткен болчу.

БИШКЕК, 20-окт. — Sputnik. Экс-премьер-министр Мухаммедкалый Абылгазиевге Кыргызстандын аймагынан чыгууга тыюу салынганын Экономикалык кылмыштарга каршы күрөшүү мамлекеттик кызматынан билдиришти.

Маалыматта эгер ал чет өлкөгө чыгууга аракет кылса, кармала турганы айтылат. Азырынча мурунку өкмөт башчыга кайсы иштин негизинде тыюу салынып жатканы белгисиз.

Радиожыштык чыры

Эскерте кетсек, жыштык сатуу боюнча ишти Аскер прокуратурасы менен УКМК иликтөөдө.

Үстүбүздөгү жылдын 14-майында Мамлекеттик байланыш агенттигинин экс-жетекчиси Наталья Черногубова уюлдук операторлордун бири жана Байланыш комитетинин кызматкерлери менен жең ичинен сүйлөшүү жүргүзгөн деген шек менен кармалган. Андан кийин агенттиктеги коррупция  иши боюнча беш адам кармалган, арасында УКМКнын да кызматкерлери бар экени айтылган болчу.

20-май күнү депутат Жанар Акаев Жогорку Кеңеште өкмөт эки радиожыштыкты төмөн баада сатканын билдирген. Эл өкүлүнүн айтымында, мындай аракет премьер-министр Мухаммедкалый Абылгазиевдин кийлигишүүсү жок ишке ашмак эмес. Акаев келтирилген зыянды 5 миллиард сом деп баалаган. Эртеси Абылгазиев айыптоолорго жооп берип, тергөөгө басым жасады деген кинеден оолак болуу үчүн кыска мөөнөттүү эмгек өргүүгө чыккан.

12-июнда аталган иштин алкагында “Ала-ТВ” компаниясынын негиздөөчүсү кармалган (ушул компаниянын жыштыгы уюлдук операторго сатылганы айтылган).

15-июнда Мухаммедкалый Абылгазиев бул ишке тиешеси жок экенин айтып, отставкага кеткен.

 

 

Жаңылыктар түрмөгү
0