Радиостудия Sputnik Кыргызстан в Бишкеке - Sputnik Кыргызстан
Радио

Премьер-министр Абылгазиев жыштык чуусунан улам эмгек өргүүгө кетти

© Фото / пресс-служба Жогорку КенешаПремьер-министр Мухаммедкалый Абылгазиев. Архив
Премьер-министр Мухаммедкалый Абылгазиев. Архив - Sputnik Кыргызстан
Жазылуу
Буга чейин эл өкүлү Жанар Акаев парламентте азыркы өкмөт мамлекеттик жыштыктарды сатуудан бюджетке 5 миллиард сом зыян келтиргенин айтып чыккан.

БИШКЕК, 27-май — Sputnik. Премьер-министр Мухаммедкалый Абылгазиев радиожыштык чуусунан улам кыска мөөнөттүү эмгек өргүүсүн алды. Бул тууралуу өкмөттүн маалымат кызматы кабарлады.

Билдирмеге ылайык, өкмөт башчы вице-премьердин катышуусунда кеңешме өткөрүп, буга чейин анын дарегине айтылган радиожыштыктар боюнча маселени козгоду. Ошондой эле өкмөт таза жана ачык иштөөгө далалат кыларын кошумчалаган.

"Бирок Жогорку Кеңеште өкмөттүн жана премьер-министрдин дарегине радиожыштык ресурстарын узартуу жана аны кайра каттоого тийиштүү кылмыш ишине байланыштуу сын-пикир жана күнөөлүү эместигимди далилдөө чакырыгы айтылды. Мен мамлекеттин экономикалык кызыкчылыктарын сактоону жана жыштыктарды ачык аукциондо сатууну, ошондой эле мыйзам талаптарына жооп бербеген тараптардын лицензияларын алууну колдоп келгендигимди баса белгилеп кетким келет. Бул туурасында мен Жогорку Кеңештин жыйынында да айткам. Дагы бир жолу териштирилип жаткан ишке менин эч кандай тиешем жок экенин белгилеп кетейин. Бул маселени саясатташтырбоо керек деп эсептейм. Укук коргоо органдары объективдүү жана ар тараптуу тергөө жүргүзүп, күнөөлүүлөр жоопкерчиликке тартылууга тийиш. Бирок "тергөөгө кысым көрсөтүлдү" деген сөздөр чыкпаш үчүн жана тергөө калыс болуш үчүн кыска мөөнөттүү эмгек өргүүсүнө чыгууну туура көрдүм", — деди Абылгазиев.

Өкмөт башчы өкмөттүн ишин координациялоону жана мамлекеттик органдардын туруктуу иштөөсүн камсыздоону биринчи вице-премьер Кубатбек Бороновго тапшырганы айтылды.

Түзөтүү колониясында туруктуу телефон. Архив - Sputnik Кыргызстан
Жыштык сатуу чыры: УКМК кызматкерлери баш болуп 5 киши кармалды
Буга чейин эл өкүлү Жанар Акаев парламентте азыркы өкмөт мамлекеттик жыштыктарды сатуудан бюджетке 5 миллиард сом зыян келтиргенин айтып, ага премьер-министрдин тиешеси бар экендигин билдирген.

Ал эми өкмөт башчы Мухаммедкалый Абылгазиев билдирүү негизсиз деп жооп берген.

Эске сала кетсек, Байланыш боюнча мамлекеттик агенттиктин мурдагы директору Наталья Черногубова уюлдук оператордун бири жана Маалыматтык технологиялар комитетинин кызматкерлери менен тымызын сүйлөшүү жүргүзгөн деген шек менен 12-майда кармалган.

Жаңылыктар түрмөгү
0