БИШКЕК, 13-сен. — Sputnik. Беларустун коргоо министри Виктор Хренин чек арадан 15 чакырым алыстыкта Литва полигонуна АКШнын танк батальону жайгашкандыгын билдирди. Бул тууралуу РИА Новости жазды.
Министрдин айтымында, НАТОнун аскерлери аталган жерде "Атлантикалык чечкиндүүлүк" операциясынын алкагында машыгышат.
"Биздин чек арадан 15 чакырым алыс жайгашкан Литвадагы "Пабрад" полигонуна АКШнын 69-танк полкунун экинчи танк батальонун ташташат", — деди министр.
Анын айтымында, ушундай эле иш-чара 2020-жылдын жаз мезгилинде да өткөрүлгөн.
КМШнын абадан коргонуу күчтөрү НАТОнун чагымдарына каршы биригүүгө даярбы? Видео
"Биз чек арага жакын жерде АКШнын 500дөй жоокери 29 танк менен 43 аскердик автоунааны колдонуп машыкканы жатат. Бул бизди тынчсыздандырбай койгон жок", — деген Хренин.
Ал Беларустун мамлекеттик чек арасынын үстүнөн авиациянын учактары тынбай учуп, өлкөдөгү иш-чараларга чалгындоо иштери жүрөрү белгилүү болгонун кошумчалаган.
