БИШКЕК, 27-июл. — Sputnik. Америкалык балбан, эркин күрөш боюнча дүйнө чемпиону Дэвид Тэйлор россиялык спортчу, Олимпиаданын жеңүүчүсү, дүйнөнүн төрт жолку чемпиону Абдулрашид Садулаевге чакырык таштады.
Кечээ АКШнын Техас штатында "Дейк Чамизо" күрөш боюнча шоу өтүп жаткан учурда Дэвид Тейлор Мартин Майлс менен беттешип, 11:0 эсебинде уткан. Беттештен кийин ал Олимпиада чемпиону, өзүнөн 11 килограмм оор салмактагы россиялык Абдулрашид Садулаевге чакырык таштаган. Тейлор Instagram баракчасына "@sadulaev_abdulrashid, менин күрөшкөнүмдү көрүп жатсаң керек, Остинге (АКШ шаары) кел, күрөшөлү" деген билдирүү калтырган.
Посмотреть эту публикацию в Instagram
Ал арада "Орус танкы" атыккан Садулаев ага сылык гана жооп узаткан.
"Көбүрөөк тамак жеп, көп машык, мүмкүн күзүндө жолугуп каларбыз", — деген ал.
Посмотреть эту публикацию в Instagram
Белгилей кетсек, Дэвид Тейлор 2018-жылы 86 килограмм салмактагылар арасында дүйнө чемпионатында жеңүүчү болгон. Ал эми россиялык Абдулрашид Садулаев 2014, 2015-жылдары 86 килограмма салмакта күрөшүп дүйнө чемпиону болгон. Ушул эле салмакта 2016-жылы Рио Олимпиадасында алтын байге тагынган.
UFC мушкери Конор Макгрегор "Реалдын" машыгуусуна катышмай болду
2017-жылы Садулаев 97 килограмм салмак категориясына которулуп, дүйнө чемпионатында экинчи орунду ээлеген. Ал эми 2018-2019-жылдан бери дүйнө чемпиондугун эч кимге алдырбай келет.
