БИШКЕК, 16-май — Sputnik. Бишкек шаарынын вице-мэри Татьяна Кузнецова брифинг учурунда башка аймактын тургундарын борбор калаага келбей тургула деп суранды.
"Карантин бүтүп, эпидемиологиялык кырдаал жакшырганга чейин башка аймактарда жашаган тургундарды жүйөлүү себепсиз борбор калаага келүүдөн кармана турууну суранабыз", — деп кайрылды вице-мэр.
Ошондой эле ал Бишкектин тургундары жана конокторунан коронавирустун алдын алуу чараларын так сактоого чакырды.
Коронавирустун кесепети
Кыргызстанда 16-майга карата коронавируска кабылгандардын саны 1117ге жетип, анын ичинен 783ү айыгып чыкты. Тилекке каршы, 14 бейтап каза болуп калды.
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагына карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.
Кабарларды ыкчам, ыңгайлуу шартта окуу үчүн Telegram-каналыбызга баш багыңыз.
