Бүгүн Кыргызстанда коронавируска кабылгандардын саны 1117ге жетип, анын ичинен 783и айыгып чыкты. Тилекке каршы, 14 бейтап каза болуп калды.
Sputnik Кыргызстан өлкөдөгү кырдаал боюнча бүгүн да окурмандарга текст, сүрөт жана видео түрүндө маалымат берүүсүн улантат.
Бишкекте санитардык эрежелерди бузгандар дагы деле көп болууда. Бул тууралуу мэриянын маалымат кызматынан билдиришти.
Республикалык ыкчам штабдын жыйынында биринчи вице-премьер Кубатбек Боронов Нарын шаарындагы эпидемиологиялык абалды жөнгө салууга тиешелүү бийлик органдарына үч күн убакыт берди.
Тажикстандын Саламаттык сактоо жана калкты социалдык жактан колдоо министрлигинин расмий маалыматы боюнча, өлкөдө коронавирус жуктурган адамдардын саны 1118ге жетти. Бул туурасында Sputnik Тажикстан агенттиги жазды.
Бишкекте көз жаруу үчүн келген аялды кабыл алуудан баш тарткан төрөт үйлөрүнүн бир катар жетекчилери жоопкерчиликке тартылды. Бул тууралуу Саламаттыкты сактоо министрлигинен билдиришти.
Саламаттык сактоо министрлигинин алгоритми боюнча чет өлкөдөн келип жаткан жарандардан COVID-19 вирусуна ПЦР-диагностикага анализдер алынат. Үч күн бою алар карантиндик зонада болушат.
Эгерде анализи терс болуп, адам байланышкандардын катарына кирбесе, анда ал бардык эрежелерди жана талаптарды сактоого милдеттүү болуп, үй карантинине жиберилет. Эгерде үйдө тийиштүү шарттар жок болсо, анда Саламаттык сактоо министрлиги аны обсервациялардын бирине жайгаштырат.
Анализдин жыйынтыгы коронавирустун бар экенин көрсөтсө, жаран стационарга дарыланууга, ал эми анализи терс болгон байланышкан адамдар медиктердин көзөмөлүндө обсервацияга жаткырылат.
Бишкек ш. – 31
Жалал-Абад облусу - 5
Нарын облусу - 2
Бул тууралуу брифингде саламаттык сактоо министринин орун басары Нурболот Үсөнбаев билдирди.
“Алардын үчөө Бишкекте, бири Ош шаарында, Ош облусунда бирөө, дагы бири Баткенде жашайт”, — деди Саламаттыкты сактоо министринин орун басары Үсөнбаев.
