Песковдун жубайы Навкадан да COVID-19 табылып, абалы кандай экени айтылды

© Sputnik / Александр Вильф / Медиабанкка өтүүШоу Татьяны Навки "Аленький цветочек"
Шоу Татьяны Навки Аленький цветочек - Sputnik Кыргызстан
Жазылуу
Учурда Песков менен Навканын ооруканада дарыланып жатканы айтылды. Аялынын оорусу жеңил өтүп, ал эми күйөөсүнүн кайра калыбына келишине узагыраак убакыт керек болору кабарланды.

БИШКЕК, 12-май — Sputnik. Көркөмдөп муз тебүү боюнча дүйнөнүн бир нече жолку чемпиону, Россия президентинин маалымат катчысы Дмитрий Песковдун жубайы Татьяна Навканын COVID-19 жуктуруп алганы маалым болду. Бул тууралуу РИА Новости Navka Show компаниясынын маалымат кызматына таянып билдирди.

Ал чемпиондун оорусу жеңил түрдө өтүп жатканын айткан.

"Татьяна Навка менен анын жолдошунун (Дмитрий Песков – ред.) тапшырган тестинен COVID-19 жуктуруп алганы белгилүү болду. Алар учурда ооруканага жатып, дарыланууда. Татьянанын оорусу жеңил өтүүдө, дени соо деп айтсак деле болот. Дмитрий Сергеевич деле өзүн жакшы сезип жатат, бирок кайра калыбына келишине узагыраак убакыт керек болот", — деп билдиришкен алар.

Президент РФ В. Путин провел совещание с главами регионов по борьбе с распространением коронавируса в РФ - Sputnik Кыргызстан
COVID-19: Путин ар бир адамдын өмүрү үчүн күрөшүүгө даяр турууну айтты
Эске салсак, буга чейин Россия президенти Владимир Путиндин маалымат катчысы Дмитрий Песковдун коронавирус жуктуруп алганы бүгүн маалым болгон. 

Ал эми 30-апрелде болсо Россиянын премьер-министри Михаил Мишустин коронавирус жуктуруп алганы белгилүү болгон. Соңку маалыматтарда ал өзүн жакшы сезип, кесиптештери менен онлайн иштеп жатканы айтылган.

Ошондой эле 1-майда вирус менен Курулуш министрлигинин башчысы Владимир Якушев ооруканага жаткырылса, 6-майда маданият министри Ольга Любимовадан вирус аныкталган.

Жаңылыктар түрмөгү
0