БИШКЕК, 2-май — Sputnik. Кыргызстанда бир сутка ичинде 23 бейтап коронавирустан айыгып, ооруканадан чыкты. Бул тууралуу Коомдук саламаттыкты сактоо башкармалыгынын башчысы Айнура Акматова билдирди.
Вирустан сакайгандар төмөнкү аймактардан:
- Бишкек шаары — 9;
- Ош облусу — 1;
- Жалал-Абад облусу — 2;
- Нарын облусу — 11.
Ушуну менен коронавирустан айыгып чыккандардын саны 527 болду. Бул жалпы оорулуулардын жарымынан көбү илдетти жеңгенин билдирет. Коронавирус өлкөдө 769 кишиде катталган.
