Оренбургда турган кыргызстандыктарды өткөрүүгө Казакстан уруксат бериши мүмкүн

Жазылуу
Ниязалиевдин айтымында, казак тарап кыргызстандыктарды өткөрүүдөн кооптонуп жатат. Ага карабай, маселени чечүү жолу каралууда.

БИШКЕК, 29-апр. — Sputnik. Оренбург облусунун Соль-Илецк районундагы чек арада турган кыргызстандыктарды өткөрүү боюнча Кыргызстандын кайрылуусуна Казакстан жакынкы күндөрү жооп берет. Бул туурасында тышкы иштер министринин биринчи орун басары Нуран Ниязалиев жооп берди.

Анын айтымында, учурда мекендештерге Россиядагы элчиликтин, консулдуктун кызматкерлери, диаспора өкүлдөрү муктаждыктарына жардам берип каралашып жатат.

“Ал мекендештер боюнча маселе аябай курч болуп жатат. Себеби алар Казакстан аркылуу транзит менен өтүп кетүүнү күтүп жатышат. Бул багытта Казакстан менен сүйлөшүүлөр аябай активдүү жүрүп жатат. Бүгүн Казакстандагы элчибиз менен байланыштык, ал казак тарап жакын арада өзүнүн жообун бере турганын айтты. Жооп келери менен эле алып келүү иштерин уюштурууга даярбыз. Чынында эле кыргызстандыктарды өткөрүүдө Казакстан кооптонуу менен карап жатат. Анткени автоунаа менен 2000 чакырымдан ашуун жерин басып өтөт. Ошентсе да бизге жооп берүүгө даярдыгын билдирүүдө”, — деди Ниязалиев.

Мындан улам ТИМ башчысынын орун басары чет жактагы жарандарга кайрылып, азыркы кырдаалда мекенге алып келүү кыйынга турарын, кээ бир мамлекеттер менен такыр мүмкүн эмес экенин белгиледи.

Эскерте кетсек, Россиядан автоунаа менен жолго чыгып, Казакстанга кире албай калган 100дөн ашуун кыргызстандык бир айдан бери чек арада турат.

Жаңылыктар түрмөгү
0