БИШКЕК, 17-апр. — Sputnik. Коронавирустан улам АКШнын Вашингтондогу Ак үйү эвакуацияланышы ыктымал. Ал үчүн бийлик атайын бөлүктү мобилдештирип койду. Бул тууралуу Newsweek журналына таянып, РИА Новости кабарлады.
Буга чейин Колумбиянын мэри Мюриэл Баузер коронавирус жуктургандардын саны өсүп жаткандыктан өзгөчө абал режимин дагы бир айга узарткан.
Коронавирус Вашингтондо да кулачын жайып кетет деген коркунуч бар. Мындан улам өкмөттүн иши үзгүлтүккө учурап калышы мүмкүн.
Макалада жазылгандай, атайын корпус 106-авиациялык батальондун Blackhawk тик учактары менен корголгон. Алар атайын эвакуациялоого ылайыкташкан. Маалыматта бул бөлүктүн офицерлери Пентагондун жетекчилигин дагы ыкчам эвакуациялоо боюнча комплекстүү план түзүп жатканы айтылат.
Лидерлерди эвакуациялоонун шарт-талабы Atlas кошумча протоколунда жазылган.
Дүйнө жүзү боюнча коронавирусту эң көп жуктуруп алгандар жана каза болгондор АКШда. Акыркы маалыматтар боюнча, COVID-19 аныкталган 654 миң учур катталса, илдеттен 31 миң адам көз жумган.
