Белгилүү режиссёр Дооронбек Садырбаев менен айтылуу балерина Айсулуу Токомбаеванын сүрөтү 1977-жылы борбор калаадагы Абдылас Малдыбаев атындагы Опера жана балет театрында тартылган.
Ал жылы Садырбаев Токомбаева жөнүндө тасма тарта баштаган.
Өмүрүн кино тармагына арнаган Евгений Барышников ошол кезеңди мындайча эскерет:
"Андан бери канча жыл өттү, жаш өтүп көпчүлүк учурлар эстен чыгып кетти. Айсулуу Токомбаеванын атагы алыска кетип, катуу таанылып турган учуру болчу. Мен режиссёр Дооронбек Садырбаевдин оператору элем. Экөөбүз "Акбаранын көз жашы", "Кайыңдар канча жыл жашайт" сыяктуу бир катар тасмаларды чогуу жараттык. Даректүү эмгектер да чыкты. Алардын айрым кадрлары азыркыга чейин колдонулуп келүүдө", — деди Барышников.
Кыргыз балетинин чолпон жылдызы, СССРдин Эл артисти Айсулуу Токомбаева менен Кыргыз Эл Баатыры Дооронбек Садырбаев жөнүндө кызыктуу фактыларды Sputnik Кыргызстан маалымат агенттигинин материалынан окуңуздар.
