БИШКЕК, 29-мар. — Sputnik. Соңку төрт күн ичинде өлкө аймагында өзгөчө кырдаал жарыяланган жерлерде коменданттык саатты 939 адам бузду. Бул туурасында ИИМдин маалымат министрлигинин маалымат кызматынан кабарлашты.
Түндө Бишкек, Ош, Жалал-Абад шаараларында, Ноокат, Кара-Суу, Сузак райондорунда кечки саат 20:00дөн таңкы саат 7:00гө чейин 150 адам кармалып, милиция бөлүмдөрүнө алып келинген.
Андан сырткары, 8 автоунаа айып короого токтотулган.
Алар:
- Бишкекте — 115;
- Ошто — 15;
- Жалал-Абадда — 8;
- Сузакта — 1;
- Ноокатта — 1;
- Кара-Сууда — 10.
Мыйзам бузгандарга тартип дагы бир ирет түшүндүрүлүп, коменданттык саат аяктаган соң алар үйлөрүнө кое берилген.
Коронавирус Кыргызстанда
Бишкек, Ош, Жалал-Абад шаарлары жана Ноокат, Кара-Суу, Сузак райондоруна 15-апрелге чейин өзгөчө абал киргизилген.
Учурда өлкө аймагындагы кырдаал тууралуу Sputnik Кыргызстандын тексттик баяндамасынан кабардар болуп туруңуз.
