БИШКЕК, 7-мар. — Sputnik. Кыргыз футбол союзу (КФС) уюмдун логотибин даярдоо үчүн сынак жарыялаганын кабарлады.
Жеңүүчү 1000 долларлык сыйлыкка ээ болот. Логотип КФСтин расмий эмблемасы болуп, документацияда, уюмдун сайтында, социалдык тармактарда, сувенирдик продукцияда колдонулмакчы. Сынак ушул жылдын 15-апрелинде жыйынтыкталат.
Беш алдыңкы эмгектин авторлоруна футболкалар берилип, улуттук команданын 2020-жылы Кыргызстанда өтчү оюндарына абонемент ыйгарылат.
Сынакка катышуучулар үчүн шарт-талап КФСнин расмий сайтында жайгаштырылган.
Белгилей кетсек, быйылтан тарта Футбол федерациясы жоюлуп, анын базасында Кыргыз футбол союзу түзүлгөн.
