БИШКЕК, 13-фев. — Sputnik. Кытайдын Ухань шаарына коронавирус оорусу менен күрөшүүгө 2600 медицина кызматкери жиберилгенин РИА Новости Кытайдын борбордук телеканалына шилтеме берип жазып чыкты.
Бул чечимди Кытай Эл Республикасынын төрагасы Си Цзиньпин менен анын кол алдындагы Борбордук аскер кеңеши бекиткен. Уханга кошумча жардам кургактагы, деңиздеги, абадагы жана ракетадагы аскер бөлүктөрдөн келет. Ошондой эле башка бөлүктөр да көмөктөшөрү айтылды.
Жаңы барган дарыгерлер менен санитарлар бейтаптарды Тунцзи ооруканасынын базасындагы "Хошэньшань" аскер ооруканасы менен Гунгу районундагы эне жана баланы коргоо борборунда сакайтуу менен алектенишет. Биринчи ооруканага 860 кишини, экинчи ооруканага 700 адамды жумушка алуу пландалууда.
Коронавирус тууралуу
Акыркы маалыматтарга караганда, Кытайда коронавирустан каза тапкандардын саны 1310го жетти. Ал эми жалпы жуктургандар 48,2 миң болсо, сакайып кеткендер 3441 киши экени айтылды.
Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери
