БИШКЕК, 13-фев. — Sputnik. Кытайда окуган кыргызстандык студенттерди Казакстандан алып келе жаткан алгачкы автобус "Ак-Жол" өткөрүү бекети аркылуу өлкө аймагына кирди. Бул тууралуу Чек ара кызматынан билдиришти.
Кыргызстандык 40 студент 13-февраль күнү казак тараптын колдоосу менен Пекин шаарынан учуп келип, Алматы шаарынын аэропортуна конгон. Аларды атайын жиберилген автобус Кыргызстанга алып келди.
1/3
© Фото / пресс-служба ГПС КР
Кытайда окуган кыргызстандык студенттерди Казакстандан алып келе жаткан алгачкы автобус "Ак-Жол" өткөрүү бекети аркылуу өлкө аймагына кирди.
2/3
© Фото / пресс-служба ГПС КР
Кыргызстандык 40 студент 13-февраль күнү казак тараптын колдоосу менен Пекин шаарынан учуп келип, Алматы шаарынын аэропортуна конгон.
3/3
© Фото / пресс-служба ГПС КР
Аларды атайын жиберилген автобус Кыргызстанга алып келди.
1/3
© Фото / пресс-служба ГПС КР
Кытайда окуган кыргызстандык студенттерди Казакстандан алып келе жаткан алгачкы автобус "Ак-Жол" өткөрүү бекети аркылуу өлкө аймагына кирди.
2/3
© Фото / пресс-служба ГПС КР
Кыргызстандык 40 студент 13-февраль күнү казак тараптын колдоосу менен Пекин шаарынан учуп келип, Алматы шаарынын аэропортуна конгон.
3/3
© Фото / пресс-служба ГПС КР
Аларды атайын жиберилген автобус Кыргызстанга алып келди.
"Улан-кыздар тепловизор текшерүүсүнөн кийин чек ара көзөмөлүнөн өтүштү. Бардыгынын абалы канааттандырарлык. Эми алар Саламаттыкты сактоо министрлигинин эрежесине ылайык, карантинден өтүү үчүн убактылуу пункттарга жеткирилет", — деп айтылат билдирүүдө.
Кыргыз студенттери кыргыз-кытай чек арасы жабылып, аба каттамдары токтотулгандыктан, мекенине кайтып келе албай Үрүмчү шаарында убактылуу жашап жатышкан.
Буга чейин кыргыз тараптын кайрылуусу боюнча 18 мекендеш Казакстан тараптын жардамы менен Ухань шаарынан Нур-Султанга жеткирилип, андан ары аларды Бишкек шаарынан барган атайын учак алып келген. Учурда алар шаардын четиндеги ооруканалардын биринде карантинде кармалууда.
