БИШКЕК, 23-янв. — Sputnik. Кыргызстан менен Тажикстандын топографиялык жумушчу топтору ишин баштап, коңшу өлкөнүн делегациясы Бишкекке келди. Бул тууралуу өкмөттүн маалымат кызматы билдирди.
Белгилей кетсек, 14-январда кыргыз-тажик чек арасындагы көйгөйлөрдү чечүү максатында эки тараптын өкүлдөрү жолугуп, натыйжада протоколго кол коюлган. Анда негизинен Кыргызстан Баткен району менен Тажикстандын Исфара шаарынын ортосундагы бир нече жерден окшош жана аянты бирдей тилкелер менен алмашуу каралган.
Жолугушуулардын натыйжасында топографиялык топ түзүлүп, ага жер алмашуу боюнча макулдашылган варианттарды иштеп чыгуу тапшырмасы берилген.
Кыргыз-тажик чек арасы
Такталбаган тилкелер 70 чакты, чек ара аймагындагы өтө көйгөйлүү тилкелер — Алтын-Мазар, Унжу-Булак (Караганды-Сай), Осмон жайлоо жана Алмабараз.
Ошентсе да кыргыз-тажик мамлекеттик чек арасындагы күзөт бүгүнкү күндө такталган чек ара боюнча жүргүзүлөт.
