БИШКЕК, 14-янв. — Sputnik. Журналист Болот Темировго кол салуу фактысы боюнча төрт шектүү кармалды. Бул тууралуу ИИМден билдиришти.
18 Бештин айы 2019, 16:40
Алар: 1993-жылкы Д.Б. менен Б.А., 1992-жылы туулган Ж.Э. жана 1994-жылкы О.А. Алардын бардыгы Жалал-Абад облусунда төрөлгөн. Учурда Бишкек ШИИББдин убактылуу кармоочу жайына киргизилди.
Колго түшкөндөр Кылмыш-жаза кодексинин 201-беренеси ("Күч колдонуу менен тоноо") боюнча айыпталып жатышат.
Эске салсак, 9-январь күнү Бишкектин Эркиндик жана Токтогул көчөлөрүнүн кесилишинде журналист Болот Темировду топ балдар сабап, телефонун алып кетишкен.
