БИШКЕК, 30-дек. — Sputnik. Татарстандын президенти Рустам Минниханов Раиса Атамбаеванын коомдук транспортто жүргөн сүрөтүн көрүп ага унаа белек кылды. Бул тууралуу КСДПдан билдиришти.
Маалыматка караганда, президент айдоочуну дагы бекитип, ага айлык чектеп берген.
"Татарстан машинанын эксплуатацияга берилишин жана күйүүчү майга кете турган чыгымдардын бардыгын мойнуна алды. Раиса Атамбаева Рустам Миннихановдун адамгерчиликтүү мамилесине, колдоосуна чын жүрөктөн ыраазычылык билдирди. Ал ошондой эле элдин колдоосу ага күч-кубат жана жаркын келечекке ишеним берип жатканын белгиледи", — деп айтылат маалыматта.
26 Бештин айы 2019, 16:38
Атамбаева мекендештерин келе жаткан жаңы жылы менен куттуктаган.
Эске салсак, буга чейин интернетке мурдагы президент Алмазбек Атамбаевдин жубайы Раиса Атамбаеванын коомдук транспортто отурган сүрөттөрү тараган болчу. Колдонуучулар анын Бишкектеги Абдрахманов жана Сүйөркулов көчөлөрүнүн кесилишинде маршрутка күтүп турганын жазышкан.
