БИШКЕК, 12-дек. — Sputnik. 13-декабрда Жалал-Абад, Талас облустарынын көпчүлүк аймактарында, Чүй, Ош, Баткен облустарынын айрым райондорунда кар жаайт. Ысык-Көл, Нарын жергесинде жаан-чачын күтүлбөйт. Бул тууралуу Кыргызгидромет маалымдады.
Билдирүүгө ылайык, абанын температурасы Чүй, Ысык-Көл аймактарында +2...+7, Ош, Баткен жана Жалал-Абад облустарында +4...+9, Таласта +1…+6 градус жылуу, Нарын жергесинде 0…-5 градус суук болот.
Бишкек, Ош шаарларында жамгыр, кар жаайт. Борборубузда термометрдин көрсөткүчү +4...+6, ал эми Ош калаасында +6…+8 градусту көрсөтөт.
