БИШКЕК, 12-дек. — Sputnik. Мурдагы башкы прокурор Аида Салянованын ишин жаңы ачылган жагдайлар боюнча кайра кароо сунушу четке кагылды. Бул тууралуу Жогорку соттон билдиришти.
2017-жылдын 10-октябрында Аида Саляновага "кызматтык абалын кыянаттык менен пайдаланган" деген айып тагылып, беш жылга эркинен ажыратылган. Ошондой эле мүлкү конфискацияланган. Бирок анын төрт жаштагы кызы 14 жашка чыккыча, тагыраагы, 2029-жылга чейин жаза өтөө мөөнөтү жылган.
Салянованын адвокаты жаңы ачылган жагдайлар боюнча ишти кайра кароо өтүнүчүн келтирген, бирок бүгүн, 12-декабрда, Жогорку сот сунушту четке какты.
