БИШКЕК, 13-ноя. — Sputnik. Сокулукта унаа коюп кеткен киши каза тапты. Бул тууралуу Чүй облустук жол кыймылы коопсуздугун камсыздоо башкармалыгынан билдиришти.
11 Жетинин айы 2019, 12:52
Маалыматка караганда, 13-ноябрь күнү саат 7.00дөр чамасында жеңил унааны мас абалында башкарып бараткан айдоочу 40 жаштагы кишини коюп кеткен. Кырсык Романовка айылында болгон.
Айдоочу жабыркаган кишини ооруканага жеткирген, бирок ал каза таап калганын билгенден кийин качып кеткен.
Дарыгерлер каза болгон киши тууралуу милицияга саат 07:40та кабарлашкан. Үч сааттын ичинде укук коргоочулар 23 жаштагы шектүүнү колго түшүргөн. Ал Сокулук районундагы Биринчи Май айылынын тургуну болуп чыкты. Тергөө жүрүп жатат.
