БИШКЕК, 5-ноя. — Sputnik. Бүгүн, 5-ноябрь күнү, Ош мамлекеттик университетине Кудайберди Кожобеков ректор болуп шайланды. Бул туурауу окуу жайдын жетекчиилигине шилтеме берип Sputnik агенттигинин жергиликтүү кабарчысы билдирди.
"Шайлоого 1594 мугалим катышып, анын ичинен 1532си Кожобековдун талапкерлигин колдоп беришти. Добуш берүү урнага бюллетень салуу жолу менен жүргүзүлдү", — деди кабарчы.
Кудайберди Кожобеков 44 жашта. 2017-2019-жылдары билим берүү министринин орун басары болуп иштеген. Каныбек Исаков кеткенден кийин ректордун милдетин аткаруучу болуп дайындалган. Физика-математика илимдеринин кандидаты, доцент.
