Радиостудия Sputnik Кыргызстан в Бишкеке - Sputnik Кыргызстан
Радио

Аднаева: эки ай ичинде өлкө дарыканаларында баа турукташат

© Sputnik / Табылды КадырбековӨкмөт аппаратынын социалдык өнүктүрүү бөлүмүнүн эксперти Нургүл Аднаева
Өкмөт аппаратынын социалдык өнүктүрүү бөлүмүнүн эксперти Нургүл Аднаева - Sputnik Кыргызстан
Жазылуу
Өкмөт аппаратынын социалдык өнүктүрүү бөлүмүнүн эксперти Нургүл Аднаева 29-октябрда өкмөттүн токтому менен өлкөдөгү дары-дармектин баасын жөнгө салган убактылуу эреже кабыл алынганын айтты.
Аднаева: эки ай ичинде өлкө дарыканаларында баа турукташат

Кыргызстан эгемендүүлүккө ээ болгондон бери өлкөдөгү дары-дармектердин баасы эч көзөмөлдөнгөн эмес. Бул тууралуу Нургүл Аднаева Sputnik Кыргызстан радиосунун таңкы эфиринде маек куруп жатып билдирди.

Анын айтымында, аталган токтомдун башкы максаты — дары-дармектердин баасын жөнгө салуу менен аларды элге жеткиликтүү кылып, дарыга болгон муктаждыкты жоюу.

"2017-жылы Жогорку Кеңеште фармацевтика рыногун жөнгө салуу боюнча маселе көтөрүлүп, "Дары каражаттарын жүгүртүү жөнүндө" мыйзам кабыл алынган. Мына ошонун негизинде өкмөт башчы ушул жылдын 29-октябрында өлкөдөгү дары-дармектин баасын жөнгө салуу механизмин ишке ашыруу боюнча токтомго кол койду. Эми аталган күндөн эки ай өткөндөн кийин токтом күчүнө кирет да, пилоттук негизде апробациялоо боюнча долбоор ишке ашырылат. Мөөнөтү бир жыл. Учурда республикада фармацевттер арасында түшүндүрүү иштерин жүргүзүп жатабыз. Токтом күчүнө киргенге чейин Кыргызстандагы бардык дарыканаларда турктуу баа саясаты орнойт", — деди Аднаева.

Ошондой эле ал өлкөдөгү дары-дармектин баасын жөнгө салган убактылуу эреже азырынча Милдеттүү медициналык камсыздандыруу фондусунун программасынын алкагындагы препараттарга гана тийиштүү экенин кошумчалады.

Жаңылыктар түрмөгү
0