БИШКЕК, 24-окт. — Sputnik. Жалал-Абад облусунда төрөлгөн 39 жаштагы М.А. аттуу эл аралык террордук уюмдун мүчөсү Бишкектен кармалды. Бул тууралуу УКМКдан кабарлашты.
Подозреваемый в членстве международной террористической организации (МТО)
© Фото / пресс-служба ГКНБ
Билдирмеге караганда, колго түшкөн жаран 2011-жылдан бери террордук акт боюнча мурда козголгон кылмыш ишинин алкагында издөөдө жүргөн. Ал мүчө болгон уюм Кыргызстандын аймагында теракт жасоого камынган.
"2011-жылдын октябрында УКМК тарабынан жүргүзүлгөн атайын операциянын жүрүшүндө Ош облусунда эл аралык террордук уюмдун башчысы жок кылынып, топтун башка мүчөлөрү кармалган. Бирок М.А. качып кетүүгө үлгүргөн", — деп айтылат маалыматта.
2019-жылдын 19-октябрында Оштун соту М.А. аттуу жаранды эки айга камакка алуу чечимин чыгарган. Азыркы учурда тергөө жүрүп жатат.
