БИШКЕК, 12-авг. — Sputnik. UFC уюмунун эки салмак категориясы боюнча чемпиону, эркек киши Генри Сехудо кайрадан Валентина Шевченкого чакырык таштады. Ал кыргызстандык спортчуга болгон кайрылуу видеосун өзүнүн Twitter баракчасына жайгаштырган.
The following is a public service announcement for the supposed flyweight queen Valentina Shevchenko. Signed, Triple C and soon to be The IGC. #bendtheknee @BulletValentina pic.twitter.com/kUQbCnmIWd
— Henry Cejudo (@HenryCejudo) 11 августа 2019 г.
Мушкердин айтымында, ал дүйнөдөгү аялдар менен эркектер арасындагы биринчи чемпион болгусу келет.
"Менин уюлдук аппаратым келген билдирүүлөрдөн жарылып кетчүдөй. Элдин баары эле Валентина Шевченко деген мушкер дүйнө чемпиону экенин айтышууда. Билесиңерби, менде кызганыч жаралды. Анда алтын бар, мен ошону алгым келет! Валентина Шевченко, сага жаңылыгым бар. Мен дүйнөдөгү аялдар менен эркектер арасындагы биринчи чемпион болгум келет. Сени келерки беттешке чакырам", — деди Сехудо.
Спортчу буга чейин дагы Шевченкого чакырык таштаган. Ал эми Валентина анын куру Glock 19 тапанчасы менен корголгонун билдирген.
