Атамбаев 25-июлда кечке жуук ЖККУнун Канттагы авиабазасына келип конду. Аны тарапташтары авиабазанын чыга беришинен тосуп алды. Sputnik Кыргызстан агенттигинин кабарчысынын жеринен билдиришинче, айрым кишилер колдоруна желек кармап алышкан. Андан сырткары, 70-80дей автоунаа да келген.
Атамбаев чогулгандар менен жолугуп, журналисттердин айрым суроолоруна жооп берди.
"Сапар байсалдуу, жакшы болду. Баары кудайга шүгүр", — деди ал.
Эске салсак, Атамбаев атайын жиберилген учак менен барып келди. Аны айрым депутаттар менен тарапташтары коштоп барган. Мурдагы президент Алмазбек Атамбаев 24-июлда түштөн кийин Москвага учуп кеткен болчу.
