БИШКЕК, 12-июл. — Sputnik. Афганистандагы Нангархар провинциясында үйлөнүү той учурунда болгон жарылуудан беш киши каза таап, 40ка жакыны жаракат алды. Бул туурасында РИА Новости кабарлады.
Окуя туурасында аталган провинциянын жетекчилигинин берген маалыматтарына таянып, Tolo News телеканалы маалымат тараткан.
Кырсык Пачир Ва Агам деп аталган райондо болгон. Жарылуунун эмнеден болгондугу азырынча айтыла элек.
Афганистанда учурда радикалдык "Талибан" кыймылы менен өкмөттүк аскердик түзүмдөрдүн ортосундагы каршылашуу уланууда. Өлкөнүн коопсуздук жана коргонуу боюнча улуттук күчтөрү Афганистандын бардык аймагында терроризмге каршы күрөш жүргүзүп келет.
