БИШКЕК, 3-июл. — Sputnik. Тамчы айылындагы "Ысык-Көл" эл аралык аэропорту жайкы туристтик сезондо төрт шаардан үзгүлтүксүз каттамдарды кабыл алып турат. Туристтерди ташыган учактар Ташкент, Алматы, Новосибирск жана Ош шаарынан келип-кетерин "Манас" аэропортунун маалымат кызматынан билдиришти.
Эң алгачкы болуп өзбекстандык туристтерди Uzbekistan Airways компаниясы 27-июнь күнү алып келген. Ташкент — Тамчы каттамы сентябрь айына чейин аптасына бир ирет, бейшемби күндөрү аткарылмакчы.
Россиялык туристтерди "Сибирь" компаниясы жумасына бир жолу, жекшемби күндөрү алып келип турмакчы. Мындай милдетти мойнуна S7 компаниясы алган;
Ысык-Көлгө башка шаардан учак менен эң көп каттагандар — Ош облусунун тургундары. Анткени түштүк калаадан Тамчыга жумасына төрт жолу, дүйшөмбү, шаршемби, жума жана жекшемби күндөрү самолёт учат.
