БИШКЕК, 19-июн. — Sputnik. Кытай тарыхчылары кыргыздардын тарыхы тууралуу китеп жазып, аны президент Сооронбай Жээнбековго тартуулашты. Бул тууралуу өлкө башчынын маалымат кызматы кабарлады.
![Кытай тарыхчылары кыргыздардын тарыхы тууралуу китеп жазып, аны президент Сооронбай Жээнбековго тартуулашты Кытай тарыхчылары кыргыздардын тарыхы тууралуу китеп жазып, аны президент Сооронбай Жээнбековго тартуулашты - Sputnik Кыргызстан](https://sputnik.kg/img/104475/65/1044756598_0:0:2400:1508_600x0_80_0_0_e1f88cdfd35bcfd6fbc6440510fd6f79.jpg)
![Билдирүүдө Жээнбеков окумуштууларды бүгүн, 19-июнь күнү, кабыл алганы айтылат Билдирүүдө Жээнбеков окумуштууларды бүгүн, 19-июнь күнү, кабыл алганы айтылат - Sputnik Кыргызстан](https://sputnik.kg/img/104475/65/1044756587_0:0:2400:1508_600x0_80_0_0_e370b5977690aca22fc087841ab49c71.jpg)
![Мамлекет башчысы окумуштууларга кытай архивдик булактарынан кыргыз элинин басып өткөн жолун, тарыхын терең изилдеп, топтоп жана китеп кылып чыгаргандары үчүн терең ыраазычылык билдирди. Мамлекет башчысы окумуштууларга кытай архивдик булактарынан кыргыз элинин басып өткөн жолун, тарыхын терең изилдеп, топтоп жана китеп кылып чыгаргандары үчүн терең ыраазычылык билдирди. - Sputnik Кыргызстан](https://sputnik.kg/img/104475/65/1044756593_0:44:2400:1552_600x0_80_0_0_e695b1b815cdc6d9ebf75c5415a0f3bc.jpg)
Билдирүүдө Жээнбеков окумуштууларды бүгүн, 19-июнь күнү, кабыл алганы айтылат.
Мамлекет башчысы окумуштууларга кытай архивдик булактарынан кыргыз элинин басып өткөн жолун, тарыхын терең изилдеп, топтоп жана китеп кылып чыгаргандары үчүн терең ыраазычылык билдирди.
"Сиздердин кыргыз тарыхына кызыгып, изилдөөлөрдү жүргүзөбүз деген аракетиңиздерге дагы бир ирет терең ыраазычылыгыбызды билдиребиз. Мындан ары дагы биздин окумуштуулар сиздердин институт менен натыйжалуу иштей берүүсүнө тилектешмин. Мамлекет бул багытта бардык колдоосун көрсөтө берет", — деди Жээнбеков.
Ал чогулган материалдарды илимий негизде академиялык басылмадан чыгарып, кеңири таркатуу зарыл экенин билдирди.
"Сиз менен 2018-жылы алгач жолугушканыбызда алдыбызга бир нече максаттарды коюп, ушул материалдарды китеп кылып чыгарабыз деген оюбуз болгон. Бүгүнкү натыйжаларыбыз Кыргызстан жана Кытай мамлекет башчыларынын жеке колдоосу менен жасалган эки өлкөнүн окумуштууларынын эмгегинин үзүрү. Бул аткарган иштерибиздин башталышы гана", — деди ал.
Эске салсак, архив документтерин биргелешип изилдөөнү КР президентинин Кытайга болгон мамлекеттик сапарынын алкагында эки өлкөнүн тийиштүү министрликтери талкуулашкан болчу.
Ошол эле жылдын август айында Кытай окумуштууларынын ушул эле тобу менен өлкө башчы Жээнбеков Бишкекте жолугушкан. Анда кыргыз тарыхына тиешелүү архив документтерин чогултуу жана которуу маселелери талкууланган. Мамлекет башчысы "Мурас" фондусуна кыргыз элинин тарыхына тиешелүү Кытайдагы архивдик булактарды изилдөө үчүн кытай тарап менен кызматташууну улантууну тапшырган.
Иликтөөлөрдүн натыйжасында жаңы табылган расмий кытай жазма булактары аркылуу кыргыз тарыхы дагы сегиз кылымга ары жылган.
Мындан тышкары, кытайлык окумуштуулар жазма булактарды иликтөөнүн жыйынтыгында Манчжу дооруна тиешелүү 2800 беттен турган архивдик документтерди табышкан.