БИШКЕК, 14-июн. — Sputnik. Ирандын президенти Хасан Рухани Бишкекте өтүп жаткан ШКУ саммитинде АКШнын аракетин сынга алды.
"АКШ эл аралык эрежелерди бузуп, өзүнүн финансылык жана аскердик мүмкүнчүлүктөрүн пайдаланып, агрессивдүү аракеттерди жасап жатат. Алар дүйнөгө жана регионго олуттуу коркунуч жаратууда", — деди Рухани.
Ал Америка Иран жана дагы башка мамлекеттин ортосундагы өзөктүк программадан бир тараптуу чыгып кеткенин баса белгиледи. Ошондой эле калган мамлекеттерди аталган программанын алкагындагы милдеттерин так аткарууга чакырды.
Учурда Бишкекте ШКУ саммити аяктады. Иран ага байкоочу макамында катышты.
