БИШКЕК, 15-май — Sputnik. Төшкө такчу камерасын туура эмес пайдаланганы үчүн айдоочудан жеме уккан автоинспектор сөгүш алды. Бул тууралуу Sputnik Кыргызстан агенттигине Чүй облустук Жол кыймылы коопсуздугун камсыздоо башкармалыгынын маалымат катчысы Тимурлан Мирсадык уулу билдирди.
Аталган видео редакциянын WhatsApp-каналына келген. Анда Токмоктун жол инспектору камерасын унаасына коюп алганы үчүн айдоочудан уруш жеген. Инспектор камера иштебей турганын, аны жөн эле алып жүргөнүн айтып жооп берген. Ролик 7-май күнү болжол менен саат 8.00дөрдө тартылган.
Жол инспекторун жарга такаган айдоочу. Токмоктон тартылган видео
© © видео очевидца, отправленное по WhatsApp-каналу
Тимурлан Мирсадык уулу кызматтык териштирүүдөн кийин сөз болгон инспекторго нормативдик актыларды билбегени жана иштебеген камераны көтөрүп жүргөнү үчүн сөгүш жарыяланганын белгиледи.
