БИШКЕК, 8-апр. — Sputnik. Америкалык беделдүү делген UFC мушкерлер уюмунун президенти Дана Уайт Sputnik Кыргызстан маалымат агенттиги тарткан Валентина Шевченконун Бишкекке келгендеги видеосун өзүнүн Instagram баракчасына жүктөдү.
Посмотреть эту публикацию в Instagram
Кадрлардан көрүнүп тургандай, Шевченкону "Манас" аба майданынан бийлик өкүлдөрү, журналисттер, күйөрмандары тосуп алып, жолтандабастар коштоп алып кетишкен.
"Чемпион болгон кандай жакшы", — деп жазган Уайт Шевченконун аккаунтун белгилеп.
Сегиз сааттын ичинде видеону 130 миңге чукул киши көргөн.
Шевченкону тосуп алгандагы видеону толугу менен көрүңүздөр.
Кыргызстандык мушкер Валентина Шевченко UFC уюмунда 2015-жылдан бери күч сынашып келет. Былтыр 8-декабрда UFC 231 турниринин алкагында польшалык Жоанна Енджейчикти утуп, эң жеңил салмактагы чемпион болгон.
