БИШКЕК, 28-мар. — Sputnik. "Ала-Арча" мамлекеттик резиденциясында Кыргызстандын президенти Сооронбай Жээнбеков менен Россия лидери Владимир Путиндин тар чөйрөдөгү жолугушуусу өтүп жатат.
Эске салсак, Путин Кыргызстанга мамлекеттик сапары менен биринчи ирет келди.
Бул жолугушуудан кийин тараптар кеңири чөйрөдөгү жыйынга катышат. Андан соң бир нече маанилүү документтерге кол коюлуп, ЖМК өкүлдөрү үчүн маалымат жыйыны берилет.
План боюнча президенттер андан ары Чыңгыз Айтматовдун үй-музейине, Кыргыз-Россия региондор аралык VIII конференцияга барышат.
Путиндин Кыргызстанга болгон мамлекеттик сапарынын алкагында кыргыз-орус өкмөттөр аралык комиссиясынын 21-жыйыны өтөт.
Россия президенти Владимир Путиндин Кыргызстанга мамлекеттик сапары учурунда эмне болуп жатканын билүү үчүн Sputnik Кыргызстандын тексттик трансляциясынан окуңуздар.
