БИШКЕК, 28-мар. — Sputnik. РФ президенти Владимир Путин Кыргызстандын экономикасы ЕАЭБ шартына ыңгайлашуусу үчүн Россия колдоо көрсөтүп жатканын билдирди.
Анын айтымында, Орус-кыргыз өнүктүрүү фондусу аркылуу 300 миллион долларлык долбоорлор каржыланды. Ошондой эле чек ара бекеттери менен бажы инфраструктурасын жакшыртууга 200 миллион доллар бөлүнгөн.
"Бардык иш-аракеттер аяктагандан кийин, тагыраагы, 2020-жылы кыргыз продукциясы ЕАЭБдин техникалык регламентине дал келер-келбесин аныктоочу сертификациядан Кыргызстандын өзүнөн өтө алат", — деди Путин.
Белгилей кетсек, Путин Кыргызстанга мамлекеттик сапары менен келди. Учурда эмне болуп жатканын Sputnik Кыргызстандын тексттик трансляциясынан окуңуздар.
