Атасын балка менен чаап, короодогу аңга көмүп салган. Чүйдөгү чуулуу окуя

© Sputnik / Вячеслав Бобков / Медиабанкка өтүүАң казып жаткан адам. Архив
Аң казып жаткан адам. Архив - Sputnik Кыргызстан
Жазылуу
Москва райондук соту 26 жаштагы жаранды 15 жылга эркинен ажыратты.

БИШКЕК, 9-мар. — Sputnik. Чүйдө 26 жаштагы жигит өзүнүн атасын мыкаачылык менен өлтүрүп сөөгүн короосуна көмүп салган. Бул тууралуу Жогорку соттун сайтына жарыяланган актыда айтылат.

Маалыматка ылайык, соттолуучу жаңы эле ооруканадан чыккан атасын түн ортосунда уктап жаткан жеринен баса калып, аны балка менен башка чапкылап өлтүргөн. Андан соң эч кимге билгизбей короого көмүп, атасы жоголуп кеткенин укук коргоо органдары менен туугандарына жарыялаган.

Насилие над женщинами в КР - Sputnik Кыргызстан
Кыргызстандык аял ага асылган күйөө баласын өлтүрүп салган. Соттун чечими
Дайынсыз жоголду делген жарандын сөөгү үч жылдан кийин гана табылган. Укук коргоо органдарынын кызматкерлери шектүү мындай аракеттерге атасы көп арак ичкендигине байланыштуу баргандыгын билдирген.

Сотто 26 жаштагы жигит күнөөсүн мойнуна албай, атасын карыздар болгон тааныштары тынчытканын айткан.

Бирок Москва райондук соту кылмыш болгон учурда ата-бала үйдө жалгыз болгондугу далилденгенин билдирген. Жыйынтыгында сот 26 жаштагы жигитти 15 жылга эркинен ажыратты.

Жаңылыктар түрмөгү
0