БИШКЕК, 12-фев. - Sputnik. Бишкек шаардык милициясы калаа тургундары үчүн WhatsApp канал ачканын ШИИБдин маалымат кызматы билдирди.
Эми калаа тургундары менен коноктору 0708 102 000 номерине түрдүү окуялардын, кылмыштардын жана ар кандай мыйзам бузуулар болгон болсо анын сүрөт, видеолорун жибере алышат.
Жарандар аталган номерге милиция кызматкерлери тарабынан мыйзам бузуу болгон болсо кабарлай алары билдирүүдө айтылат.
WhatsApp канал күнү-түнү иштейт.
Милиция ошол эле учурда жалган маалымат жибергендерге чара көрүлөрүн эскертет.
