БИШКЕК, 3-фев. — Sputnik. Канаданын космостук агенттигинин астронавты Давид Сен-Жак Эл аралык космостук станциядан тартылган Кыргызстандын сүрөтүн жарыялады.
Over Kyrgyzstan, I felt like I could reach out and feel the texture of these mountains, amplified by the sunset light.#DareToExplore #ExploringEarth pic.twitter.com/TzERBIq09Z
— David Saint-Jacques (@Astro_DavidS) 2 февраля 2019 г.
Аталган кадрды ишемби күнү астронавт Twitter баракчасына жүктөгөн. Кадимки эле фотоапарат менен тарткан сүрөтү NASA сайтына да жайгаштырылган. https://eol.jsc.nasa.gov/DatabaseImages/ESC/large/ISS058/ISS058-E-7761.JPG
"Кыргызстандын үстүндө бара жатканымда бул тоолорго колуңду сунуп кармап көрсө боло тургандай туюлду", — деп жазган астронавт.
Давид Сен-Жак 2018-жылдын 3-декабрында америкалык Энн Макклейн жана россиялык космонавт Олег Кононенко менен биргеликте космоско учкан.
Посмотреть эту публикацию в Instagram
Казакстандын Байконур космодромунан учуп чыккан "Союз МС-11" экипажынын курамындагы Сен-Жак эл аралык космостук станцияда жарым жылдан ашык убакыт болмокчу. Ал биология, жер, физика жана технология боюнча изилдөө жүргүзүп, эксперименттерди жасамакчы.
Буга чейин россиялык космонавт Ысык-Көлдү эл аралык космостук станциядан тартып алып көрсөткөн.
