Тышкы иштер министрлигинин маалыматы боюнча ушул жылы жалпысынан 21 миң 17 кытайлык жаран виза алса, анын 14 миң 492си электрондук. 2017-жылы бул көрсөткүч 12 миң 310 адамды түзүп, алардын 10 миң 13ү электрондук визага ээ болгон. Бул тууралуу Чыңгыз Эсенгулов Sputnik Кыргызстан агенттигининин кабарчысына билдирди.
Анын айтымында, 2010-2018-жылдар аралыгында 60 кыргызстандык атуул КЭРдин жарандары менен расмий түрдө үй-бүлө курган.
"Чек ара кызматынын маалыматы боюнча 2018-жылы Кыргызстанга 35 миң 215 кытай жараны кирип, 34 миң 436сы кайра чыгып кеткен. Ал эми 2017-жылы 41 миң 307 кытай жараны кирип, 40 миң 690у кайра бир жылдын аралыгында чыгып кеткен. Тышкы иштер министрлигинин маалыматы боюнча ушул жылы 21 миң 17 жаран виза алса, алардын 14 миң 492си электрондук виза, 2017-жылы 12 миң 310 адам виза алып, анын 10 миң 13ү электрондук визага ээ болушкан. Алардын ичинде узак мөөнөткө виза алгандары бир жылдын ичинде Кыргызстанга бир нече жолу келип кетишкен. Мамлекеттик каттоо кызматынын берген маалыматы боюнча 2018-жылы убактылууу жашаганга уруксатты 11 миң 966, 2017-жылы 18 миң 312 кытай жараны алган. Анын ичинен 9 миң 498и үстүбүздөгү жылы, 2017-жылы 11 миң 593ү убактылуу иштегенге уруксат алган. Мыйзамга ылайык, иш берүүчүлөр иштегенге убактылуу уруксатты жыл сайын алып турууга милдеттүү. Ошондой эле 2010-2018-жылдары бардыгы болуп 60 кыргызстандык КЭРдин жараны менен расмий үй-бүлө куруп, никелешүү тууралуу күбөлүк алган. Ушул эле жылдар аралыгында жалпысынан 218 кытай жараны Кыргызстандын жараны болуп калды. Алардын ичинде 171 кыргыз, 72 уйгур, тогуз өзбек, алты кытай, тогуз дунган жана бир казак улутундагы жаран бар",— деди Эсенгулов.
Ал келтирилген маалыматтарды эске алуу менен туура эмес чакырыктарды камтыган маалыматтар Кыргызстан менен Кытайдын ортосундагы стратегиялык алакасына оор залакасы тийиши мүмкүндүгүн
