БИШКЕК, 3-дек. — Sputnik. Баткен облусунун Лейлек районундагы Бужум жайлоосунда жылкы издеп чыккан 52 жаштагы жаран дайынсыз болууда. Бул тууралуу ӨКМдин маалымат кызматы билдирди.
Ага ылайык, 52 жаштагы жаран 29-ноябрда жылкы издейм деп чыгып кеткен боюнча кайтып келген эмес, ал Өзгөрүш айылында жашайт.
2-декабрда издөө иштери жүргүзүлүп, жалпысынан 25 куткаруучу тартылган. Бирок жыйынтык болгон жок. Куткаруучулар жеринде чатыр тигип түнөп, бүгүн да издөө иштерин улантат.
