Борбор калаада алыш күрөшү боюнча эл аралык турнир өтөт

© Sputnik / Табылды КадырбековМеждународный турнир серии Гран-при по борьбе на поясах в Бишкеке
Международный турнир серии Гран-при по борьбе на поясах в Бишкеке - Sputnik Кыргызстан
Жазылуу
Мелдешке Кыргызстандан башка Казакстан, Өзбекстан, Тажикстан, Россия, Монголия Түркмөнстан, Белоруссия жана Ирандын балбандары катышмакчы.

БИШКЕК, 1-дек. — Sputnik. Борбор калаадагы Кожомкул атындагы спорт сарайда алыш күрөшү боюнча эл аралык турнир өтө турганын Жаштар иши, дене тарбия жана спорт боюнча мамлекеттик агенттиктен кабарлашты.

Антонина Шевченко. Архив - Sputnik Кыргызстан
Антонина Шевченко атаандашынан жеңил экенине карабай беттешмей болду
Таймаш 19-декабрга белгиленген. Кыргыз Эл баатыры, коомдук жана саясий ишмер Апсамат Масалиевдин элесине арналган турнирге Кыргызстандан башка Казакстан, Өзбекстан, Тажикстан, Россия, Монголия Түркмөнстан, Белоруссия жана Ирандын балбандары катышмакчы.

Эл аралык мелдешке 18 жаштагы жана андан улуу курактагы спортчулар катышып, классикалык стилде эркектер 70, 80 жана +80 килограммда күрөшөт. Ал эми кыз-келиндер 55, 65 жана +65 килограмм салмакта күч сынашат.

Иш-чараны Спорттун улуттук түрлөрү боюнча дирекция, Алыш федерациясы жана Апсамат Масалиев атындагы коомдук фонду уюштурууда.

Жаңылыктар түрмөгү
0