Радиостудия Sputnik Кыргызстан в Бишкеке - Sputnik Кыргызстан
Радио

Имангазиев: жүк-200дү алып келүү акысыз

© Sputnik / Айтурган СатиеваДиректор Департамента консульской службы МИД КР Алмаз Имангазиев
Директор Департамента консульской службы МИД КР Алмаз Имангазиев - Sputnik Кыргызстан
Жазылуу
Тышкы иштер министрлигине караштуу Консулдук кызмат департаментинин жетекчиси Алмаз Имангазиев Кыргызстандын жараны башка мамлекетте каза болсо анын жакындары Мамлекеттик миграция кызматына кайрылып 50 миң сом өлчөмүндө компенсация талап кыла аларын айтты.
Имангазиев: жүк-200дү алып келүү акысыз

Жүк-200дү алып келүү акысыз, анткени Транспорт жана жолдор министрлигинин буйругу менен жергиликтүү авиакомпаниялар бекер алып келгенге милдеттендирилген. Бул тууралуу Алмаз Алмаз Имангазиев Sputnik Кыргызстан радиосунун таңкы эфиринде маек куруп жатып билдирди.

Анын айтымында, каза болгон жарандын жакындарынын акчасы Жүк-200дү алып келүүгө эмес, аза кызматын көрсөткөн ишканаларга кетип жатат.

"Жүк-200дү алып келүү акысыз жүргүзүлөт. Бул кызмат Транспорт жана жолдор министрлигинин буйругу менен жергиликтүү авиакомпанияларга жүктөлгөн. Бирок айрым учурларда аталган компаниялар баш тартып, түрдүү себептерди айтышат. Мындай шарт жаралса консулдук кызмат, элчиликтин аралашуусу менен иш бүтөт. Ушундай окуяларда диаспора өкүлдөрү, жетекчилери нааразы болуп социалдык тармактарга жазып калышат. Аларды да туура түшүнсө болот. Жүк-200дү мекенге жеткирүүдө диаспоралардын жардамы чоң. Алар элден каражат топтоп жүк мекенге жеткенге чейин чуркашат. Каражаттар аза кызматын көрсөткөн компанияларга төлөнөт", — деди Имангазиев.

Ал ошондой эле маркумдун жакындары компенсация алыш үчүн жаран каза болгондон үч күндөн кийин анын каза болгондугун тастыктаган кагаз жана өздүк маалыматы менен Миграция кызматына келүүсү зарылдыгын же өздөрү да чет өлкөдө болсо анда ошол мамлекеттеги консулдук кызматтарга, элчиликтерге кайрылуусу керектигин кошумчалады.

Жаңылыктар түрмөгү
0